კანადური ავიაკომპანიის, AIR CANADA-ს კუთვნილ თვითმფრინავს მოუწია, ავარიულად დამჯდარიყო მადრიდში. ავარიული დაშვების მიზეზი ტექნიკური გაუმართაობა გახდა.
ბრიტანული მედიის ცნობით, თვითმფრინავს შასის ნაწილი მოსძვრა და ძრავაში შევარდა. „ბოინგ 767“ მადრიდიდან ტორონტოში მიფრინავდა, ბორტზე 128 მგზავრი იმყოფებოდა, თუმცა აფრენიდან დაახლოებით 30 წუთში პილოტმა მადრიდის აეროპორტს ავარიული დაშვებისთვის მიმართა.
თვითმფრინავის ავზებში საწვავის მინიმუმამდე დასაყვანად და დაშვებისას აფეთქების თავიდან ასაცილებლად ხომალდი ხუთი საათის განმავლობაში დაბალ სიმაღლეზე, მადრიდის ცაში წრეებს ურტყამდა, სანამ ადოლფო სუარეს-ბარახასის აეროპორტში დაეშვებოდა.
აეროპორტში სპეცტექნიკის სრული მობილიზაცია იყო, თუმცა, საბედნიეროდ, დაშვებამ ექსცესების გარეშე ჩაიარა. ინციდენტის შედეგად არავინ დაშავებულა.
ÚLTIMA HORA | El avión de Air Canada ha aterrizado ya en el aeropuerto de Barajas https://t.co/WplpJwpskc pic.twitter.com/9BugaHBQbM
— EL PAÍS (@el_pais) February 3, 2020
კომენტარები