არქეოლოგებმა დაკარგული ქალაქი რუნგჰოლტი აღმოაჩინეს.
ლეგენდის თანახმად, ეს აყვავებული ქალაქი ოდესღაც ჩრდილოეთ გერმანიაში, ზღვის სანაპიროზე მდებარეობდა და ერთ ღამეს, ძლიერი შტორმის შემდეგ, ცოდვების გამო მის მცხოვრებთა დასასჯელად ჩრდილოეთის ზღვამ შთანთქა.
ფოლკლორის მიხედვით, ცოდვებს შორის იყო ლოთობა, ღმერთის დავიწყება და სიმდიდრით გატაცება.
გადმოცემის თანახმად, სიმდიდრემ მოსახლეობა ამორალურ ცხოვრებამდე მიიყვანა, აღსასრული კი შობის დღეებში დადგა, როცა მთვრალი ახალგაზრდების ჯგუფმა მღვდელი აიძულა, ღორისთვის უკანასკნელი ზიარება მიეცა.
ამის შემდეგ მღვდელი ეკლესიაში წავიდა, ილოცა და ღმერთს ახალგაზრდა მამაკაცთა დასჯა სთხოვა. მეორე დღეს მან ქალაქი დატოვა და სულ მალე იქაურობას ძლიერი შტორმი დაატყდა, რომელმაც რუნგჰოლტი აღგავა პირისაგან მიწისა.
მიუხედავად იმისა, რომ ზოგიერთი ისტორიკოსი ამ ქალაქის არსებობას საერთო ეჭვქვეშ აყენებდა და მითად თვლიდა, ახალი კვლევის შედეგად ამ „ჩრდილოეთის ატლანტიდის“ ნაშთები ვატოვის ზღვაში (ვადენზეე) აღმოაჩინეს.
გეოფიზიკური კვლევის ფარგლებში, კუნძულ ზიუდალფის გარშემო კილის უნივერსიტეტის არქეოლოგებმა დაახლოებით 1,9 კმ სიგრძის შუასაუკუნეების მიწაყრილები აღმოაჩინეს. მკვლევართა ვარაუდით, შტორმი, რომელმაც ქალაქი შთანთქა, 1362 წელს უნდა მომხდარიყო.
„სხვადასხვა გეოფიზიკური მეთოდით, მათ შორის, მაგნიტური გრადიომეტრიის, ელექტრომაგნიტური ინდუქციისა და სეისმოლოგიის გამოყენებით, ტალახიანი დაბლობების (ვატები) ქვეშ აღმოვაჩინეთ დასახლების ნაშთები“, – ამბობს კილის უნივერსიტეტის გეოფიზიკოსი დენის ვილკენი.
1tv.ge
ასევე დაგაინტერესებთ: ჰეროდოტეს სიმართლე ახალმა აღმოჩენამ დაადასტურა
ესქილეს უცნაური სიკვდილი, რომლის შესახებაც ბევრმა არ იცის
კომენტარები