fbpx
პოლიტიკა

ლევან ბერძენიშვილმა „რესპუბლიკური პარტია“ დატოვა

„რესპუბლიკური პარტია“ თამარ კორძაიას შემდეგ ლევან ბერძენიშვილმაც დატოვა. ამის შესახებ მან თავად უთხრა რადიო თავისუფლებას და მიზეზებზე ესაუბრა.

„ფრაქცია, რომელიც შეიქმნა პარლამენტში და რომლის თავმჯდომარეც იქნება ხათუნა სამნიძე, ჩემთვის არის აბსოლუტურად მიუღებელი შემადგენლობის გამო. ყველა მიუღებელია იმიტომ, რომ ყველამ გადადგა უზნეო ნაბიჯები. ამას თუ ახსნა სჭირდება, მე ამას არ ავხსნი… თამარ კორძაია იბრძოდა იმისთვის, რომ რესპუბლიკელები პარლამენტში ყოფილიყვნენ დამოუკიდებელები. ამას ვერ მიაღწია და დავკარგეთ თამარ კორძაია. პარტია, რომელიც თამარ კორძაიას ვერ ინარჩუნებს, ვერანაირ პერსპექტივას ვერ ვხედავ“, – ამბობს ბერძენიშვილი.

3 ივნისს პარლამენტში ფრაქცია “შარლ მიშელის რეფორმების ჯგუფი” შექიმნა, რომლის თავმჯდომარეც “რესპუბლიკური პარტიის” თავმჯდომარე ხათუნა სამნიძე იქნება.

ფრაქციის წევრები იქნებიან:

  • გიორგი ვაშაძე – „სტრატეგია აღმაშენებელი“;
  • თეონა აქუბარდია – „სტრატეგია აღმაშენებელი“;
  • პაატა მანჯგალაძე – „სტრატეგია აღმაშენებელი“;
  • ხათუნა სამნიძე – „რესპუბლიკური პარტია“;
  • ზურა ჯაფარიძე – “„გირჩი – მეტი თავისუფლება“;
  • ტარიელი ნაკაიძე – უპარტიო;
  • გრიგოლ ვაშაძე – უპარტიო.

თამარ კორძაიამ  „რესპუბლიკურ პარტიის“ დატოვების შესახებ  ინფორმაცია ფეისბუქის საშუალებით 4 ივნისს გაავრცელა. იგი წერს, რომ ეს ნაბიჯი გადადგა „რესპუბლიკური პარტიის“ ფრაქციაში „შარლ მიშელის სამუშაო ჯგუფი“ გაერთიანების გამო გადადგა.

„ვფიქრობ, პარტნიორ ოპოზიციურ პარტიებთან სამომავლო თანამშრომლობა უნდა გაგვეგრძელებინა რესპუბლიკური პარტიის ორ წევრს, უფრაქციოდ/დამოუკიდებლად საქმიანობით. პარლამენტის ტრიბუნიდან თამამი რესპუბლიკური იდეების გახმოვანებით და ბრძოლით“, – წერს იგი და პარლამენტში უპარტიო და უფრაქციო დეპუტატად აპირებს მუშაობის გაგრძელებას.

თამარ კორძაიამ პოლიტიკური საქმიანობა 2013 წელს დაიწყო, ქართული ოცნების“ გამარჯვების შემდეგ და ამ პარტიის სახელით იყარა ნაძალადევის რაიონის მაჟორიტარად კენჭი. პარლამენტში მოხვედრის შემდეგ იგი „რესპუბლიკურ პარტიაში“ გაწევრიანდა.

„რადიო თავისუფლების“ მასალების მიხედვით

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close