fbpx
საზოგადოებასაქართველო

ქუთაისს კიდევ ერთი ტურისტული ობიექტი შეემატება

უძველესი სამკურნალო აბანოების მოწესრიგების და მიმდებარე ტერიტორიაზე ინფრასტრუქტურის მოწყობის შედეგად ქუთაისს კიდევ ერთი ტურისტული ობიექტი შეემატება. ჭომის დასახლებაში რუას ქუჩაზე მდებარე მიტოვებული სამკურნალო აბანოების რეაბილიტაციის გადაწყვეტილება სახელმწიფო რწმუნებულმა იმერეთში ზვიად შალამბერიძემ სპეციალისტებთან კონსულტაციების შემდეგ მიიღო.

„რუას აბანოების შესახებ სოციალური ქსელიდან გახდა ჩემთვის ცნობილი, რის შემდეგაც მკვლევარებთან და DMO Imereti-ის ხელმძღვანელობასთან ერთად აღნიშნული ადგილის შესწავლის გადაწყვეტილება მივიღე. ეს არის უძველესი სამკურნალო აბანო, რომლის გამოყენებაც მოწესრიგების შემდეგ, სამკურნალო ტურიზმის მიმართულებითაც იქნება შესაძლებელი. ქუთაისის მერიის მიერ მდინარე რუას და უძველესი აბანოების ტერიტორია მოწესრიგდება და ტურისტების მისაღებად მომზადდება. აღნიშნული ტურისტული მიმართულების განვითარებაში ჩართული იქნება DMO Imereti.

ძალიან სასიხარულოა, რომ ქუთაისს კიდევ ერთი საინტერესო ტურისტული ლოკაცია ემატება, რომელიც შიდა ტურიზმის განვითარებისთვის მნიშვნელოვანი იქნება.

ამ ეტაპზე ასევე მიმდინარეობს ქუთაისის შემოგარენში სხვადასხვა ისტორიული ლოკაციების მოძიება სპეციალისტებთან ერთად“, – წერს ფეისბუქში ზვიად შალამბერიძემ.

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close