fbpx
ეკონომიკასაქართველო

გიორგი გახარია – პირველი ივლისიდან საქართველო უცხოელი ტურისტების მისაღებად მზად იქნება

საქართველოს პრემიერ-მინისტრ გიორგი გახარიას განცხადებით, საქართველოს აქვს შესაძლებლობა, კოვიდისგან უსაფრთხო ტურისტული ზონები გამოყოს.

მისივე თქმით, ეს შეიძლება იყოს წყალტუბო, გუდაური, საირმე, აბასთუმანი, ბორჯომი და ა. შ.

„მოგეხსენებათ, რომ საქართველოს აქვს შესაძლებლობა, გამოყოს კოვიდისგან უსაფრთხო ტურისტული ზონები, ეს შეიძლება იყოს წყალტუბო, გუდაური, საირმე, აბასთუმანი, ბორჯომი და კიდევ ბევრი, განსაკუთრებით ის კურორტები, რომლებიც ისტორიულად პოზიციონირდებოდნენ, როგორც სასუნთქი ორგანოების რეაბილიტაციისთვის აუცილებელი ზონები.

ჩვენ ამაზეც ვფიქრობთ, რადგან ტურიზმის აღდგენისთვის აუცილებელია რამდენიმე კრიტიკულად მნიშვენლოვანი კონტროლის წერტილი და, პირველ რიგში, ეს არის საზღვარი, როგორც სახმელეთო, ისე საჰაერო საზღვარი“, – აღნიშნა გახარიამ.

ამასთან, მთავრობის მეთაურმა განმარტა, რომ ჯანდაცვის სამინისტროს უკვე მიღებული აქვს დავალება, საზღვრებზე თითოეული შემომსვლელი ადამიანის კონტროლი გაძლიერდეს.

„თუ აქამდე ეს კონტროლი იყო, ჩვენ გვჭირდებოდა 14-დღიანი, 24-საათიანი კარანტინი, ეს ერთ საათში უნდა იყოს დასრულებული, ამის შესაძლებლობები და ტექნოლოგიები არსებობს და ჯანდაცვის სამინისტრო ამას გადაწყვეტს უახლოესი პერიოდის განმავლობაში“, – განაცხადა გიორგი გახარიამ.

გიორგი გახარიამ ასევე ისაუბრა სასტუმროების მართვაზეც. მისი განცხადებით, მნიშვნელოვანია ყველა იმ სტანდარტის გათვალისწინება, რომელიც კოვიდის პრევენციასთან არის დაკავშირებული.

საქართველოს პრემიერ-მინისტრის ინფორმაციით, 15 ივნისიდან საქართველო გაიხსნება ადგილობრივი ტურისტული სერვისების მიწოდებისთვის, ხოლო პირველი ივლისიდან მზად იქნება, უცხოელი ტურისტები მიიღოს.

„ზუსტად ასევე ტრანსპორტი.ტურიზმის აღდგენის პირობებში უნდა ვმართოთ ეს რისკები. მინდა, გითხრათ, რომ საქართველოს მთავრობას აქვს გეგმა და ეს გეგმა შესრულდება 15 ივნისიდან, საქართველო გაიხსნება ადგილობრივი ტურისტული სერვისების მიწოდებისთვის, ხოლო პირველი ივლისიდან საქართველო იქნება მზად, რომ მიიღოს უცხოელი ტურისტები.

ამას ჩვენ გავაკეთებთ როგორც სახმელეთო საზღვრებზე უსაფრთხო კორიდორების შექმნით ჩვენს მეზობელ ქვეყნებთან, ასევე გავაკეთებთ უსაფრთხო კორიდორების შექმნის თვალსაზრისით, ორმხრივი მოლაპარაკების თვალსაზრისით ტურისტულად ჩვენთვის საინტერესო ქვეყნებიდან. ეს მოლაპარაკებები უკვე დაწყებულია და კიდევ ერთხელ მინდა ხაზგასმით აღვნიშნო, რომ ამ მიზანს ჩვენ მივაღწევთ, საქართველო იქნება ერთ-ერთი პირველი ქვეყანა, რომელიც გახსნის თავის საზღვრებს და თავის ინფრასტრუქტურას, რათა მიიღოს უცხო ქვეყნიდან სტუმრები“, – განაცხადა გახარიამ.

1tv.ge

მსგავს თემაზე: ნათია თურნავა: მოლაპარაკებები მიმდინარეობს „აირზენასთან“, სულ მცირე, ორი მიმართულებით რეგულარული ფრენების აღდგენაზე

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close