fbpx
პოლიტიკასაქართველო

სასამართლომ მელიას გირაო შეუფარდა და საჯარო განცხადებების გაკეთება აუკრძალა

„ნაციონალური მოძრაობის“ წევრ ნიკანორ მელიას თბილისის საქალაქო სასამართლოს მოსამართლემ თემურ გოგოხიამ, აღმკვეთის ღონისძიების სახით, 30-ათასლარიანი გირაო შეუფარდა. პროკურატურა ნიკა მელიასთვის აღკვეთის ღონისძიების სახით პატიმრობას ითხოვდა.

როგორც თბილისის საქალაქო სასამართლოში გამართულ ბრიფინგზე გახდა ცნობილი, ენმ-ის დეპუტატს, 30 000-ლარიანი გირაოს გარდა, სასამართლომ საზოგადოებრივი თავშეყრის ადგილას საჯარო განცხადებების გაკეთება აუკრძალა.

პროკურატურა ნიკა მელია ბრალად სდებს 20-21 ივნისს, საქართველოს პარლამენტთან გამართულ აქციაზე ჯგუფური ძალადობის ორგანიზებას, ხელმძღვანელობასა და მონაწილეობას. მას სისხლის სამართლის კოდექსის 225-ე მუხლის პირველი და მეორე ნაწილებით წარუდგინეს ბრალი. ბრალის დამტკიცების შემთხვევაში ნიკა მელიას 6-იდან 9 წლამდე პატიმრობა ემუქრება.

საქართველოს პარლამენტმა 26 ივნისს 91 ხმით არცერთის წინააღმდეგ დაუჭირა გენერალური პროკურორის მიმართვას პარლამენტის წევრის, ნიკა მელიას დასაპატიმრებლად სასამართლოსთვის შუამდგომლობით მიმართვაზე თანხმობის მიცემის შესახებ.

ნინო ხოშტარია

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close