საბერძნეთში ქართველი ემიგრანტი გარდაიცვალა

საბერძნეთის დედაქალაქ ათენში დღეს ქართველი ემიგრანტი გარდაიცვალა. ამის შესახებ ინფორმაცია სოციალურ ქსელში გავრცელდა.

გარდაცვლილი ახალგაზრდა მამაკაცი ქუთაისელი შოთა სვანაძეა. წინასწარი ინფორმაციით, ის გულის შეტევით გარდაიცვალა. მას მეუღლე და ერთი შვილი დარჩა.

როგორც „პრაიმტაიმს“ საგარეო საქმეთა სამინისტროში განუცხადეს, საქართველოს საკონსულო მუდმივ კომუნიკაციაშია გარდაცვლილის ოჯახის წევრებთან.

უწყების ცნობით, მიმდინარეობს გადმოსვენების პროცედურაზე მუშაობა.

წყარო: პრაიმტაიმი

მსგავს თემაზე: იტალიაში გარდაცვლილ 40 წლის ემიგრანტ ქალზე იტალიური პრესაც წერს

კომენტარები