ბრიტანეთში კაცმა 20 წელი არ იცოდა, რომ პენსია ეკუთვნოდა და ერთბაშად 140 ათასი ფუნტის მფლობელი გახდა

ინგლისში იორკშირის საგრაფოში მცხოვრები პენსიონერი კაცი ერთბაშად 140 ათასი ფუნტის მფლობელი გახდა. Daily Star-ის ცნობით, მან საპენსიო ასაკს 20 წლის წინ მიაღწია, თუმცა კუთვნილ თანხას არ იღებდა.

80 წლის კაცს ეგონა, რომ პენსია არ ეკუთვნოდა, რადგან ისევ მუშაობდა.

ადგილობრივმა საბჭომ საპენსიო ფონდს მისი სახელით მიმართა და ინფორმაცია გამოითხოვა. აღმოჩნდა, რომ მის ანგარიშზე დარიცხული იყო 140 ათასი ფუნტი და დამატებით ყოველ კვირაში 185 ფუნტი ეკუთვნოდა.

imedinews.ge