წითელ მოედანზე ორალური სექსის იმიტაციისთვის ბლოგერს და მის მეგობარ ქალს პატიმრობა მიუსაჯეს
მოსკოვის სასამართლომ განაჩენი გამოუტანა ბლოგერს და მის მოდელ მეგობარ ქალს და ათ-ათი თვით პატიმრობა მიუსაჯა მათ ფოტოსთვის, რომელზეც გამოსახულია ორალური სექსის იმიტაცია, მათ შორის, რუსეთის დედაქალაქის წითელ მოედანზე, ვასილი ნეტარის ტაძართან.
სასამართლომ 29 ოქტომბერს დამნაშავედ ცნო ტაჯიკეთის მოქალაქე რუსლან ბობიევი, ასევე ცნობილი, როგორც რუსლანი თალაბჯონი და მოდელი ანასტასია ჩისტოვა მორწმუნეთა გრძნობების შეურაცხყოფისთვის და იმავე დღეს განაჩენი გამოუტანა ორივეს.
სექტემბრის ბოლოს, ბობიევმა ინსტაგრამით გაავრცელა ფოტო, რომელზეც გამოსახულია მის წინ მუხლებზე მდგომი ჩისტოვა რომელიც ორალური სექსის იმიტაციას აკეთებს ტაძრის ფონზე. ფოტოზე ჩისტოვას აცვია ქურთუკი წარწერით „პოლიცია“.
View this post on Instagram
ბობიევს სასამართლომ გამოუცხადა, ასევე, თავის მშობლიურ ტაჯიკეთში დეპორტაცია.
30 სექტემბერს რუსეთის შინაგან საქმეთა სამინისტრომ გაავრცელა ვიდეო, რომელზეც ბობიევი ბოდიშს იხდის ფოტოსთვის და პირობას დებს, რომ მომავალში მსგავსს არ გაიმეორებს.
radiotavisupleba.ge
კომენტარები