ისრაელის ქნესეთმა (პარლამენტი) ქვეყნის ახალი მთავრობა დაამტკიცა.
13 ივნისს გამართული კენჭისყრის შედეგების მიხედვით, ნაფტალი ბენეტის და იაირ ლაპიდის ე.წ. ცვლილებების მთავრობას 120 დეპუტატიდან 60-მა დაუჭირა მხარი, 59 კი წინააღმდეგი იყო.
ახალი მთავრობის დამტკიცების ბედი არაბული უმცირესობის პარტია „რაამის“ წევრმა, საიდ ალ-ჰარუმიმ გადაწვიტა, რომელმაც ხმის მიცემისგან თავი შეიკავა.
დასრულდა ბენიამინ ნეთანიაჰუს ხანა, რომელიც 12 წლის განმავლობაში იყო ისრაელის პრემიერ-მინისტრი. მას ნაფტალი ბენეტი შეცვლის, რომელიც ამ პოსტს, როტაციის პრინციპით, მომდევნო 2 წლის განმავლობაში დაიკავებს, შემდეგ კი მას, 2 წლით, იაირ ლაპიდი შეცვლის, რომელიც მანამდე ქვეყნის საგარეო საქმეთა მინისტრი იქნება.
ისრაელში ნეთანიაჰუს ოპოზიცია ახალი მთავრობის ფორმირებაზე შეთანხმდა
კომენტარები