მედიაჰოლდინგი „იმედი“ იყიდება

მედიაჰოლდინგი „იმედი“ იყიდება. კომპანია „მედია პროდაქშენ გრუპმა“, რომლის 100-პროცენტიანი წილი ინა გუდავაძეს – ბადრი პატარკაციშვილის ცოლს ეკუთვნის, წილის გასხვისებაზე თანხმობა კომუნიკაციების ეროვნული კომისიისგან დღევანდელ სხდომაზე მიიღო.

მედიაჰოლდინგში ერთიანდებიან და „მედია პროდაქშენ გრუპი“ 100-პროცენტიან წილს ფლობს „იმედში“, GDS -სა და „რადიო იმედში“. მედიაჰოლდინგი წილს ფლობს ტელეკომპანია „მაესტროშიც“.

როგორც კომუნიკაციების კომისიის სხდომაზე ითქვა, მედიაჰოლდინგს ნიდერლანდებში რეგისტრირებულ კომპანია Media Finance Group-ი ყიდულობს, რომლის მფლობელებიც არიან ამერიკის მოქალაქეები: იგორ ალექსეევი, ირაკლი (ოთარ) რუხაძე და ბენჟამენ ალბერტ მარლსონი. რუხაძე ამ დროის მონაცემებით „ტელეიმედის“ სამეთვალყურეო საბჭოს თავმჯდომარეა.

ტელეკომპანია „იმედი“ ბიზნესმენ ბადრი პატარკაციშვილის ოჯახს 2012 წელს ხელისუფლების შეცვლის შემდეგ დაუბრუნდა.

radiotavisupleba.ge