fbpx
საზოგადოებასაქართველო

იუსტიციის სახლებისა და საზოგადოებრივი ცენტრების სამუშაო დღეები მცირდება

იუსტიციის სახლის ფილიალები და საზოგადოებრივი ცენტრები კვირაში შვიდი დღის ნაცვლად მხოლოდ ხუთი დღე იმუშავებენ. ცენტრები მოქალაქეებს ორშაბათიდან პარასკევის ჩათვლით მოემსახურებიან. ინფორმაციას იუსტიციის სახლი ავრცელებს.

„მუშაობის გრაფიკის ცვლილების მიზეზი კორონავირუსის გავრცელების პრევენციაა“, – აღნიშნულია განცხადებაში.

იმის გამო, რომ 7 ქალაქში გადაადგილება 22:00 საათიდან აკრძალულია, თბილისის, ქუთაისისა და ბათუმის იუსტიციის სახლები 09:00-იდან 21:00 საათამდე იმუშავებენ.

„იუსტიციის სახლებსა და საზოგადოებრივ ცენტრებში სერვისის მიღება მხოლოდ წინასწარი დაჯავშნის პრინციპითაა შესაძლებელი პორტალიდან – my.gov.ge. წინასწარი დაჯავშნის გარეშე იუსტიციის სახლში მისული მომხმარებელი შენობაში ვერ მოხვდება. ფილიალში მისულ პირს აუცილებლად უნდა ეკეთოს პირბადე, ნიღბის გარეშე ის შენობაში არ დაიშვება“, – ვკითხულობთ განცხადებაში.

radiotavisupleba.ge

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
Close