იტალიური რეგიონის, ვენეტოს (ადმ. ცენტრი – ვენეცია) პრეზიდენტმა ლუკა ძაიამ ორშაბათს, 16 ნოემბერს კორონავირუსის ტესტირება სოციალური ქსელის პირდაპირ ეთერში ჩაიტარა.
საუბარია ახალ ტექნოლოგიაზე, რომელსაც იტალიაში ეწოდება „გაიკეთე ტესტი თვითონ“ (“fai-da-te”). პროცედურა დაახლოებით წუთ-ნახევარს გრძელდება და ექიმის დასწრება არ სჭირდება.
ლუკა ძაიას ტესტმა პირდაპირ ეთერში უარყოფითი შედეგი აჩვენა.
„გუშინ ვენეტოში დავიწყეთ Covid-19-ის თვითდიაგნოსტირების ტესტების ექსპერიმენტი. შესაძლებელი იქნება ამ ტესტების ყიდვა აფთიაქში რამდენიმე ევროდ. აი, როგორ მუშაობს ის. თუ ISS (იტალიის ჯანდაცვის უმაღლესი ინსტიტუტი) დაამტკიცებს [ამ ტესტებს], ეს იქნება რევოლუცია, რომელშიც ვენეტო კიდევ ერთხელ შეიტანს მნიშვნელოვან წვლილს“, – წერს ლუკა ძაია თავის ოფიციალურ ფეისბუქგვერდზე.
ნინო ხოშტარია
კომენტარები