fbpx
კრიმინალიქართველები უცხოეთშისაბერძნეთი

საბერძნეთში გურჯაანელი „კანონიერი ქურდი“, მეტსახელად „პროფესორი“ დააკავეს

„პრაიმტაიმის“ ექსკლუზიური ინფორმაციით, საბერძნეთის დედაქალაქში ქართველი „კანონიერი ქურდი“ გიგა პეტრიაშვილი დააკავეს.

პოლიციამ ის ათენში კორონავირუსის გამო დადგენილი რეგულაციების დარღვევისთვის გააჩერა, საბუთების შემოწმების შემდეგ კი აღმოჩნდა, რომ პეტრიაშვილი საბერძნეთში არალეგალურად იმყოფებოდა.

ამჟამად ის სადეპორტაციო იზოლატორშია გადაყვანილი, თუმცა უცნობია, რომელ ქვეყანაში მოხდება მისი გაძევება.

პეტრიაშვილი 2018 წელს ჯერ უკრაინაში დააკავეს და თურქეთში გააძევეს, რამდენიმე თვეში კი ის თურქეთიდან საბერძნეთში გაემგზავრა. ეს მას შემდეგ, რაც მისმა სახელმა გაიჟღერა ანტალიაში ცნობილი „კანონიერი ქურდის“, გაიოზ ზვიადაძის მკვლელობის საქმეში. იმ დროს პეტრიაშვილი სწორედ ზვიადაძესთან ერთად იმყოფებოდა და თავდასხმის შედეგად ფეხშიც დაიჭრა.

29 წლის გიგა პეტრიაშვილი წარმოშობით გურჯაანის რაიონიდან არის. მას კრიმინალურ წრეებში „პროფესორის“ მეტსახელით იცნობენ, ვინაიდან 6 უცხო ენას ფლობს.

„კანონიერ ქურდად“ პეტრიაშვილი 2013 წელს საბერძნეთში 21 წლის ასაკში „აკურთხეს“.

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close