შავი ზღვის სანაპიროზე აგვისტოში მაშველებმა 170 მოქალაქე გადაარჩინეს

ამასთან, მაშველებმა სანაპირო ზოლზე დაკარგული 38 ბავშვი იპოვეს.

„შინაგან საქმეთა სამინისტროს საგანგებო სიტუაციების მართვის სამსახური მოგიწოდებთ – დაემორჩილოთ მაშველების მითითებებს. არ შეხვიდეთ წყალში შტორმის დროს. არ შეხვიდეთ წყალში არაფხიზელ მდგომარეობაში და ნაბახუსევზე. არ დატოვოთ ბავშვები უყურადღებოდ“, – ნათქვამია საგანგებო სიტუაციის მართვის სამსახურის მიერ გავრცელებულ ინფორმაციაში.