ესპანეთის ხელისუფლებამ ბელგიის პრინცი ქვეყანაში კარანტინის რეჟიმის დარღვევისთვის 10 ათასი ევროთი დააჯარიმა

ესპანეთის ხელისუფლებამ ბელგიის პრინცი იოახიმი ქვეყანაში კარანტინის რეჟიმის დარღვევისთვის 10 400 ევროთი დააჯარიმა. აღსანიშნავია, რომ იმ შემთხვევაში, თუ პრინცი ჯარიმას 15 დღის განმავლობაში გადაიხდის, მას თანხის ნახევრის გადახდა მოუწევს.

შეგახსენებთ, რომ ბელგიის მეფე ფილიპეს 28 წლის ძმისშვილი იოახიმი 26 მაისს ესპანეთის ქალაქ კორდობაში წვეულებაზე გაემგზავრა და სწორედ იქ დაინფიცირდა კორონავირუსით.

წვეულებაზე 27 ადამიანი იმყოფებოდა, მაშინ როდესაც ქვეყანაში დაწესებული შეზღუდვები 15-ზე მეტი ადამიანის შეკრებას კრძალავს.

მოგვიანებით ბელგიის პრინცმა იოახიმმა ბოდიში მოიხადა ესპანეთში დაწესებული შეზღუდვების გვერდის ავლით წვეულებაში მონაწილეობისთვის.

imedinews.ge