გერმანიაში თავშესაფრის მაძიებელი საქართველოს 41 მოქალაქე სამშობლოში დააბრუნეს. ამის შესახებ გერმანული გამოცემა Süddeutsche Zeitung-ი წერს. გამოცემის ცნობით, ისინი თბილისში 26 ნოემბერს გაამგზავრეს.
გერმანიის შინაგან საქმეთა სამინისტროს ინფორმაციით, თვითმფრინავის ბორტზე, რომელიც Leipzig-Halle-ს აეროპორტიდან თბილისში გამოფრინდა, სულ საქართველოს 41 დეპორტირებული მოქალაქე იმყოფებოდა, მათგან 8 – წინასწარი დაკავების იზოლატორიდან. 34 მოქალაქე თავშესაფარს საქსონიაში ითხოვდა, დანარჩენი ბრანდენბურგიდან, ქვედა საქსონიიდან და ტიურინგიიდან ჩაიყვანეს ლაიფციგში.
კომენტარები