საზოგადოებასაქართველო
სამების საკათედრო ტაძარში 61-ე საყოველთაო ნათლობა გაიმართა
24 ნოემბერს ყოვლადწმინდა სამების საკათედრო ტაძარში ჩვილთა 61-ე საყოველთაო ნათლობა ჩატარდა. საქართველოს საპატრიარქოს ცნობით, ამჯერად პატრიარქის ნათლული 500-მდე ბავშვი გახდა.
საყოველთაო ნათლობის იდეა თავად კათოლიკოს-პატრიარქს ეკუთვნის და მისი მიზანი ქვეყანაში დემოგრაფიული მდგომარეობის გამოსწორებაა. ილია მეორე ჯვარდაწერილი ოჯახების მესამე და მომდევნო შვილებს ნათლავს.
პირველი საყოველთაო ნათლობა სამების ტაძარში 2008 წლის 19 იანვარს გაიმართა. კათოლიკოს-პატრიარქს ამ დროისთვის 39 ათასამდე ნათლული ჰყავს.
კომენტარები