fbpx
სამზარეულო

პიტნის ჟელე ლიმონით – სასიამოვნო ნუგბარი ზამთრისთვის შესანახად

გთავაზობთ ჭეშმარიტი გურმანების საკადრის ნუგბარს – პიტნის ჟელეს ლიმონით. მას დიდი რაოდენობით ვერ მიირთმევთ, მაგრამ ზამთარში პიტნის არომატით დატკბებით და პირსაც ჩაიტკბარუნებთ. პიტნის ჟელე გამოდგება ნამცხვრების გასაფორმებლადაც, აგრეთვე, შეგიძლიათ დაუმატოთ დესერტებს ან სასმელებს.

საჭიროა: 300 გ ახალი პიტნა, 0.7 ლ წყალი, 0.5 კგ შაქარი, 2 ლიმონი, 24 გ ჟელატინი.

ომზადება: პიტნა კარგად გარეცხეთ და დაფერთხეთ. ხელით დაანაკუწეთ.

კანიანად დაჭერით ლიმონი ნაჭრებად.

ემალის ქვაბში აადუღეთ წყალი და ჩაუშვით შიგ პიტნა და ლიმონი. დაუწიეთ ალს და 7-10 წთ ადუღეთ, შემდეგ გადმოდგით ქვაბი და 6-8 სთ გააჩერეთ.

წვენი ცალკე გადაწურეთ. მასასაც ბოლომდე გამოადინეთ წვენი.

200 გ წვენი ცალკე ჭურჭელში გადაიღეთ და მასში ჟელატინი აურიეთ, დანარჩენი კი ისევ დაბალ ცეცხლზე დადგით, დააყარეთ შაქარი და დაადუღეთ. დროდადრო მოხადეთ ქაფი. თავდაპირველად ქაფი მუქი ნაცრისფერი იქნება, შემდეგ კი მოვარდისფრო-მოყვითალო ფერს მიიღებს. გადმოდგით ქვაბი და ჟელატინიანი წვენი დაუმატეთ.

ცხელი პიტნის ჟელე პატარა ქილებში გაანაწილეთ და მოხუფეთ. თუ მოხუფვა არ გსურთ, მაშინ თავსახური დაახურეთ და მაცივარში შეინახეთ.

თამარ ქავჟარაძე

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close