„ტრანსგენდერი იესო“ – ქუთაისელი მხატვრის ახალი ნამუშევარი კრიტიკის საგანი გახდა

ქუთაისელი მხატვრის, ლია უკლებას მორიგი ნამუშევარი საზოგადოების კრიტიკის საგანი გახდა. „იესო პომადით და ჩვილი ბავშვით ხელში“, – ასეთია იმ ნახატის სახელწოდება, რომელიც მოქალაქეებს მკრეხელობად მიაჩნიათ და ხელისუფლებისგან რეაგირებას ითხოვენ.

„ეს „თვითმკვლელი ორსული ღვთისმშობლის“ სახელით ცნობილი „ნახატის“ ავტორის, ლგბტ- აქტივისტის, ქუთაისელი ლია უკლებას მორიგი ახალი სატანისტობაა! „ტრანსგენდერი იესო“, პომადიანი ტუჩებით, ჩვილით და წმინდანის შარავანდედით თავზე… რა თქმა უნდა, ეს ამ უკლებამ თბილისის ლგბტ-ფესტივალს მიუძღვნა! რა თქმა უნდა, ქართველთა რელიგიური გრძნობების შეურაცხყოფისთვის პატრონები მას ტაშს დაუკრავენ და გრანტსაც ჩაახუტებენ…

ამიტომაც ვამბობ: სანამ ამ სატანისტებს „შარლი ებდოს“ მოუწყობდეს ვინმე, სასწრაფოდ მისაღებია კანონი, რომლითაც რელიგიური სიწმინდეებისა და გრძნობების შეურაცხყოფისათვის, პატიმრობა მიესჯებათ! როგორც, მაგალითად, ევროკავშირისა და ნატო-ს წევრ პოლონეთში, სადაც ლგბტ-ფერებში ღვთისმშობლის ხატის სტიკერების ქუჩაში გაკვრისთვის გავლენიანი საერთაშორისო არასამთავრობო ორგანიზაციის „ემნისტი ინტერნეიშნლის“ ლგბტ-აქტივისტი ქალს 2-წლიანი მუხლი წაუყენეს და ეს ხალხს პირადად პოლონეთის შს მინისტრმა ამცნო!

მგონი, ამ სიბილწის შემხედვარე, ყველა ნორმალური მიხვდება, თუ რატომ და რისთვის სჭირდებათ ეს გეი-პარადები და ლგბტ-ფესტივალები ამ სატანისტებს! აი, ესაა ამათი მხრიდან ქართველი ერისა და მისი მართლმადიდებლური რწმენის უსაზღვრო ცხოველური სიძულვილის „სიყვარულის ენა“! აი, ეს „თავისუფლება“ სწადიათ, რომ „გამოხატონ“ და ეს სიბილწე სურთ მოახვიონ თავზე ჩვენს მომავალ თაობას! ვერ ეღირსებით!

თუ არადა, 23 ივნისიც დადგება და ვინც ამ დღეს იზეიმებს, ერთადერთია – სარწმუნოებისა და სიწმინდეების დასაცავად, ასიათასობით ქუჩაში გამოსული ქართველი!“ – წერს თავის ფეისბუქგვერდზე „ასავალ-დასავალის“ ჟურნალისტი გიორგი გიგაური.

რაც შეეხება თავად მხატვარს, ლია უკლება თავის ახალ ნამუშევართან დაკავშირებთ და საზოგადოების კრიტიკაზე კომენტარს არ აკეთებს.

topnews.com.ge
კომენტარები