იაპონურმა კომპანიამ კოვიდ-19-ის საწინააღმდეგო აბების ადამიანებზე გამოცდა დაიწყო

იაპონურმა კომპანია „შიონოგიმ“ (Shionogi & Co) კორონავიურის საწინააღმდეგო აბების ადამიანებზე გამოცდა დაიწყო. ამის შესახებ გაზეთი Wall Street Journal-ი წერს.

„შიონოგის“ აღმასრულებელი დირექტორის, ისაო ტეშიროგის თქმით, აბებმა, რომელიც დღეში ერთხელ უნდა მიიღოს კოვიდინფიცირებულმა, თეორიულად, ვირუსი 5 დღეში უნდა გაანეიტრალოს. პრეპარატი თრგუნავს ფერმენტ პროტეაზის აქტივობას, რომლის საშუალებითაც ვირუსი ადამიანის უჯრედების შიგნით საკუთარ ასლებს ქმნის.

მისივე თქმით, კომპანია გეგმავს, იაპონიაში კლინიკურ გამოცდაში 50-იდან 100-მდე ჯანმრთელი ადამიანი ჩართოს. მოსალოდნელია, რომ მიმდინარე წელს, ცოტა მოგვიანებით კომპანია პრეპარატის გამოცდის პლაცებოკონტროლირებად ფაზას დაიწყებს.

Wall Street Journal-ის თანახმად, გამოცდა, სავარაუდოდ, მომავალ წლამდე გაგრძელდება.

კოვიდ-19-ის საწინააღმდეგო სამკურნალო პრეპარატებზე უკვე მუშაობენ კომპანია „ფაიზერი“ და კომპანია „მერკი“.

შეგახსენებთ, რომ ისრაელში ღეროვან უჯრედებზე დაფუძნებული წამალი შექმნეს COVID-19-ის წინააღმდეგ, რომლის ტესტირების პირველი ეტაპი წარმატებით დასრულდა და მეორე ფაზა იწყება.  

ნინო ხოშტარია