პოლიტიკასაქართველო
გახანგრძლივდება თუ არა საავტომობილო გადაადგილების აკრძალვა საქართველოში?
საქართველოს მთავრობის ადმინისტრაცია განმარტავს, რომ საავტომობილო გადაადგილების აკრძალვა ძალაშია 21 აპრილის ჩათვლით, ანუ 22 აპრილამდე, ოთხშაბათამდე და, შესაბამისად, დღეს მოქალაქეებისთვის მსუბუქი ავტომანქანებით მოძრაობა ნებადართული არ არის.
გახანგრძლივდება თუ არა ეს აკრძალვა, პრესსამსახურის ინფორმაციით, ამის შესახებ პრემიერ-მინისტრის ხელმძღვანელობით მოქმედი უწყებათაშორისი საკოორდინაციო საბჭო დღეს იმსჯელებს, რის შემდეგაც მიღებულ გადაწყვეტილებაზე საზოგადოებას ინფორმაცია მიეწოდება.
მთავრობის ადმინისტრაცია მოუწოდებს მოქალაქეებს, გაითვალისწინონ აკრძალვის მოქმედების ვადები, რათა არ მოხდეს კანონის დარღვევა და მოქალაქეებმა თავიდან აიცილონ ამ წესის დარღვევისთვის დაწესებული ჯარიმები.
წყარო: 1tv.ge
კომენტარები