როგორ აღნიშნეს საქართველოში აღდგომა დისტანციის დაცვით (ფოტო/ვიდეო)

ვაჟთა ფოლკლორული ანსამბლის, „მძლევარის“ წევრებმა დისტანციურად შეასრულეს „ქრისტე აღდგა“.

ალავერდის საკათედრო ტაძარში აღდგომის სადღესასწაულო ლიტურგიაზე მისულ მრევლს თერმოსკრინგი ჩაუტარეს. მათ პირბადეები, მრავალჯერადი ფარები და სადეზინფექციო ხსნარებიც დაურიგეს.

სააღდგომო ლიტურგიის შემდეგ მორწმუნეები სამებაში „კომენდანტის საათის“ დასრულებას ელოდებიან.

ექიმები პაციენტებს აღდგომას ულოცავენ.

ასე შეხვდა ქართველი ექიმი აღდგომას პირველ საუნივერსიტეტო კლინიკაში.

ზუგდიდში ორმა მეზობელმა, კორონავირუსის შეზღუდვების ფონზე, დისტანციური სუფრა გაშალა. ვიდეოში, რომელსაც „ლაივპრესი“ ავრცელებს, ჩანს, რომ მოქალაქეები ერთმანეთის მოშორდებით – ქუჩის გადაღმა სხედან, წინ კი პატარა მაგიდები უდგათ.

ესეც სამეგრელოა…

გურიაში მეზობლებმა მოიფიქრეს, როგორ გატეხონ სააღდგომო კვერცხები ისე, რომ სოციალური დისტანცია არ დაარღვიონ. 

საქართველოს პრეზიდენტმა სალომე ზურაბიშვილმა მის მიერ გამომცხვარი პასკების ფოტოები ფეისბუქის საკუთარ გვერდზე ატვირთა. სოციალური ქსელის მომხმარებლები პრეზიდენტს აღდგომას ულოცავენ და მიანიშნებენ, რომ პასკები დაეწვა.

სააღდგომო გასეირნება ბათუმში – ერთ-ერთმა ბათუმელმა, ტრანსპორტის გადაადგილების აკრძალვის გამო, ბავშვების სატარებლად ალტერნატიული საშუალება გამოიგონა. საბურავებზე დაამონტაჟა სავარძელი, რომელიც ველოსიპედს დაუკავშირა. მოქალაქე ბათუმის ქუჩებში ბავშვებთან ერთად ამგვარად გადაადგილდება.