5 წლის ბიჭმა მისი შვილად აყვანის სასამართლო პროცესზე ჯგუფელები დაპატიჟა (ვიდეო)

5 წლის მიჩიგანელმა მაიკლმა მისი შვილად აყვანის სასამართლო პროცესზე საკუთარი ჯგუფელები მთელი შემადგენლობით დაპატიჟა. სასამართლო პროცესმა მხიარულად ჩაიარა, თითოეულმა ბავშვმა ახსნა, თუ რატომ მივიდა სხდომაზე.

„მაიკლი ჩემი საუკეთესო მეგობარია“, – თქვა ერთ-ერთმა.

„მე მქვია ლილი და მე მიყვარს მაიკლი“, –  წამოიძახა გოგონამ.

სხდომაზე მაიკლის მხარდასაჭერად მოსწავლეების მშობლები და მასწავლებლები მოვიდნენ, ისინი ბიჭს მხარდამჭერი ქაღალდის გულებით ამხნევებდნენ.

საბოლოოდ მაიკლის შვილად აყვანის პროცედურამ წარმატებით ჩაიარა, რასაც დარბაზში აპლოდისმენტებით შეხვდნენ.

espersona.ge