ადამიანის ბიოველზე ძალადობა: გათვალვა, ჯადო, წყევლა – გავლენის ძალა, თავდაცვის ხერხები
ჯადოსი თუ წყევლის შეიძლება ბევრს არ სჯერა, მაგრამ არიან ადამიანები, რომლებსაც ამის სჯერათ და სხვებს ზიანს აყენებენ. ნამდვილად არსებობს მრავალი ენერგეტიკული საშუალება იმისა, რომ სხვა ადამიანს ზიანი მიადგეს. გათვალვას, ჯადოსა და წყევლას ერთმანეთის მსგავსი მოქმედება აქვს, თუმცა მათ შორის საგრძნობი განსხვავებაა.
ნეგატიური ზემოქმედებისგან თავდაცვის საუკეთესო საშუალება ჭეშმარიტი რწმენა, ეკლესიაში სიარული და ლოცვაა, ასევე, ბიოველის გამტკიცება, მედიტაციური პრაქტიკები და სხვ.
გათვალვას, შავი მაგიის თვალსაზრისით, ადამიანზე ყველაზე უწყინარი ზემოქმედება შეიძლება ვუწოდოთ. გათვალვა შემთხვევითიც შეიძლება იყოს, თუ უადგილო დროს უადგილო ადგილას აღმოჩნდით, და სპეციალურიც, რომელიც თქვენი ბიოველის დანგრევისკენაა მიმართული.
როგორც წესი, გათვალვა გაუფორმებელი ნეგატიური ზემოქმედებაა, რომელსაც შური უდევს საფუძვლად. გათვალვა ახლობელ ადამიანსაც შეუძლია, თუ გულში უსიამოვნო სიტყვებს წარმოთქვამს, რომელთა ენერგეტიკას თქვენს ბუნებრივ დაცვაში ბზარის შემოტანა შეუძლია. ასეთ ზემოქმედებას საგრძნობი ზიანი არ მოაქვს და, როგორც წესი, დიდხანს არ გრძელდება.
იშვიათად ადამიანს საკუთარი თავის გათვალვაც შეუძლია, თუ გაუფრთხილებლად დაარღვევს დროის ბუნებრვ მსვლელობას. ეს შეიძლება იყოს, მაგალითად, ნაადრევი სიხარული რამე მოსალოდნელი დიდი გარიგების გამო, რომელიც იმის გამო შეიძლება ჩაიშალოს, რომ ძალზე ძლიერი ენერგეტიკული იმპულსი გაგზავნეთ.
გათვალვა ძლიერიც შეიძლება იყოს და ის მრავალი წლის განმავლობაში გდევდეთ თან. ის არც თუ იშვიათად სუსტ ჯადოშიც გადაიზრდება ხოლმე, რომელთან გამკლავებაც სახლის პირობებშიც შეიძლება.
საკუთარი თავის დაცვის მიზნით, აგრესიულად განწყობილ ადამიანებთან ურთიერთობები გამორიცხეთ, გამოიყენეთ ქმედითი თილისმები.
ჯადოს პრაქტიკოსი მაგები უწოდებენ ნეგატიურ პროგრამას, რომელიც ადამიანის ენერგეტიკულ ველში ძალადობის გზით აღწევს და ნეგატიურად მოქმედებს მის საქმიანობაზე. ჯადოს წამყვანი ძალა უკვე არა შური, არამედ სიძულვილი და ნეგატიური გზავნილია.
ჯადოსგან ადამიანი შეიძლება დაზარალდეს სიყვარულის სფეროშიც, ფულთან დაკავშირებითაც და ჯანმრთელობის მხრივაც.
ყველაფერი დამოკიდებულია იმაზე, თუ რა ბოროტების მიყენება სურს ადამიანს, რომელიც ზემოქმედების ინსტუმენტად ჯადოს იყენებს. ჯადო კეტავს ადამიანის ბედნიერებაზე პასუხისმგებელ ენერგეტიკულ არხებს და არ აძლევს მას სრულფასოვნად ცხოვრების საშუალებას. ჯადოს მოხსნა დაუყოვნებლივ უნდა მოხდეს, როგორც კი ადამიანი იგრძნობს, რომ რაღაც წესრიგში არაა. სხვაგვარად შეიძლება შეიქმნას საფრთხე არა მხოლოდ კეთლდღეობის მხრივ, არამედ ჯანმრთელობისა და სიცოცხლის თვალსაზრისითაც კი.
წყევლა
დაწყევლილია თუ არა ადამიანი, ამის დადგენა ირიბი ნიშნებით შეიძლება: ჯანმრთელობის მდგომარეობის მკვეთრი გაუარესება, ცხოვრებაში შავი პერიოდის დადგომა, მუდმივი უიღბლობა, დაღლილობა და სრულფასოვანი ცხოვრების, სიხარულის, ცხოვრებით ტკბობის სურვილის უქონლობა.
წყევლის მოხსნა საკმაოდ რთულია. თუ მორწმუნე ხართ, მიმართეთ ეკლესიას, ილოცეთ, აკურთხეთ სახლი, წაიკითხეთ სპეციალური ლოცვები და ა.შ. თუ ათეისტი ხართ, მაშინ დაგეხმარებათ აფირმაციები, მედიტაცია, სპორტი, ჰობი. ეცადეთ; პრობლემებიდან ყურადღება გადაიტანოთ. პრინციპში, თუ ამ ყოველივესი „წყევლის ძალის და ა. შ.] არ გჯერათ, ეს, ერთი მხრივ, მოსახერხებელიცაა, რადგან თქვენ მუშაობთ საკუთარ თავზე და ძლიერდებით.
sputnik-georgia.com
დაკავშირებულ თემაზე: ხართ თუ არა დაცული მაგიური ზეგავლენისგან ზოდიაქოს ნიშნის მიხედვით
ხართ თუ არა დაცული მაგიური ზეგავლენისგან ზოდიაქოს ნიშნის მიხედვით
კომენტარები