fbpx
მიგრაციაპოლიტიკა

19-იდან 25 სექტემბრამდე ევროკავშირში რუსეთის 66 000 მოქალაქე შევიდა – რა ვითარებაა საქართველოს საზღვართან (ვიდეო)

ევროპის სასაზღვრო და სანაპირო დაცვის სააგენტო „ფრონტექსის“ ინფორმაციით, გასულ კვირას, 19 სექტემბრიდან 25 სექტემბრამდე პერიოდში ევროკავშირის ტერიტორიაზე რუსეთის 66 000 მოქალაქე შევიდა, რაც გასულ კვირებთან შედარებით 30 პროცენტით მეტია.

სააგენტოს ცნობით, რუსების უმეტესობა ევროპაში ფინეთისა და ესტონეთის საზღვრის გავლით შედის.

ამასთან, როგორც სააგენტო წერს, რუსეთის პრეზიდენტის მიერ ქვეყანაში ნაწილობრივი მობილიზაციის გამოცხადების შემდეგ საზღვრის კვეთის ფაქტები საგრძნობლად გაიზარდა ფინეთში. გავრცელებული ინფორმაციით, ბოლო ერთ კვირაში ფინეთში რუსეთის 30 000 მოქალაქე შევიდა.

ფრონტექსის“ ცნობით, უკრაინაში ომის დაწყებიდან დღემდე ევროპაში სახმელეთო საზღვრებით რუსეთის 1 303 000 მოქალაქე შევიდა. ამავდროულად, ევროკავშირთან სახმელეთო საზღვრით რუსეთში 1 273 000 მოქალაქე უკან დაბრუნდა.

რუსეთში  მობილიზაციის გამოცხადების შემდეგ, 17-26 სექტემბრის პერიოდში საქართველოში სულ შემოვიდა რუსეთის 78 742 მოქალაქე და გავიდა  62 120.

კომენტარები
თეგები

მსგავსი სიახლეები

Leave a Reply

Your email address will not be published.

Back to top button
გაზიარება
Close