fbpx
ხელოვნება

დღეს ევროვიზიის მეორე ნახევარფინალში გამოვა ჯგუფი CIRCUS MIRCUS

ევროვიზიის სიმღერის კონკურსის მეორე ნახევარფინალი დღეს, 12 მაისს გაიმართება იტალიის ქალაქ ტურინში, „პლაზა ოლიმპიკოს“ სცენაზე.

ევროვიზიაზე საქართველოს წარმომადგენელი ჯგუფი Circus Mircus-ი მეხუთე ნომრად წარდგება სიმღერით Lock Me In. მეორე ნახევარფინალის პირდაპირი ტრანსლირება საქართველოს პირველი არხის ეთერში 23:00 საათიდან დაიწყება.

სიმღერა ინგლისურენოვანია და მასზე თავად ჯგუფმა იმუშავა. ევროვიზიის წლევანდელი პროექტი ორიგინალური კონცეფციითაა შექმნილი და ჯგუფის წევრების ვინაობა უცნობია. მათი ფსევდონიმებია: დამოკლეს სტავრიადისი, ჰავორც გევორქიანი, იგორ ფორლიხტენშტეინი და იაგო ვიეტნამი.

შეგახსენებთ, რომ პირველი ნახევარფინალი 10 მაისს გაიმართა და 10 ფინალისტი ქვეყანა გამოვლინდა: შვეიცარია, სომხეთი, ისლანდია, ლიეტუვა, პორტუგალია, ნორვეგია, საბერძნეთი, უკრაინა, მოლდოვა და ნიდერლანდები.

იტალიამ „ევროვიზია 2022-ის“ მასპინძლობის უფლება ჯგუფ „მანესკინის“ (Måneskin) წყალობით მიიღო, რომელმაც შარშან ნიდერლანდების ქალაქ როტერდამში გამართულ კონკურსზე გაიმარჯვა სიმღერით Zitti e Buoni.

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close