საქართველოში ძლიერი მიწისძვრა მოხდა

საქართველოში რამდენიმე წუთის წინ, 23:35 საათზე მიწისძვრა მოხდა.

სეისმური მონიტორინგის ეროვნული ცენტრის ინფორმაციით, მიწისძვრა რიხტერის სკალით 5,3 მაგნიტუდის იყო. კერა დმანისის ახლოს, სოფელ ირგანჩაისთან დაფიქსირდა.

ბიძგები დედაქალაქ თბილისშიც იგრძნობოდა.

მოგვიანებით სეისმური მონიტორინგის ეროვნულმა ცენტრმა დაზუსტებული მონაცემები გამოაქვეყნა, რომლის თანახმადაც საქართველოში მომხდარი მიწისძვრის ეპიცენტრი არა ირგანჩაისთან, არამედ დმანისიდან სამხრეთ-დასავლეთით, 23 კილომეტრში, სოფელ სამებიდან 11 კილომეტრში, ცხრა კილომეტრის სიღრმეზე იყო.