კარინა საფინა და ლუკა ბერულავა მსოფლიო ჩემპიონები გახდნენ (ვიდეო)

ესტონეთის დედაქალაქ ტალინში ფიგურული ციგურაობის ახალგაზრდულ მსოფლიო ჩემპიონატზე წყვილთა შეჯიბრებაში შესანიშნავად იასპარეზეს საქართველოს ნაკრების წევრებმა – კარინა საფინამ და ლუკა ბერულავამ და მსოფლიო ჩემპიონის ტიტული მოიპოვეს.

ქართველი წყვილი მოკლე პროგრამის შემდეგ შეჯიბრის ლიდერი იყო 67.77 ქულით და 6 ქულით უსწრებდა მეორე ადგილზე მყოფ კანადელ მოციგურავეებს.

საფინამ და ბერულავამ თავისუფალი პროგრამაც მაღალ დონეზე შეასრულეს, 120.35 ქულით პირველი ადგილი დაიკავეს და საბოილოო ჯამში 188.12 ქულით მსოფლიო ჩემპიონები გახდნენ.