„მიმდინარე ომის განმავლობაში უკრაინის არმიამ 331,2 მილიარდი რუბლის ანუ დაახლოებით 3 მილიარდი აშშ დოლარის ღირებულების რუსული სამხედრო ტექნიკა გაანადგურა“, – წერს Forbes-ის უკრაინის ბიურო.
მისი ცნობით, განადგურებულ აღჭურვილობას შორისაა 33 თვითმფრინავი, 37 ვერტმფრენი, 251 ტანკი და 939 ერთეული ჯავშანტექნიკა.
„კერძოდ, ტანკები, რომლებიც უკვე განადგურებულია, რუსეთს 1 მილიარდი დოლარი დაუჯდა, ხოლო ჯავშანტექნიკა – 0,6 მილიარდი დოლარი, თვითმფრინავები და ვერტმფრენები ერთად – 1,1 მილიარდი დოლარი“, – წერს უკრაინული Forbes-ი.
მედიასაშუალებამ რუსეთის ზარალი სამხედრო აღჭურვილობის ერთეულთა ღირებულების ღია წყაროებით გამოქვეყნებულ მონაცემებზე დაყრდნობით დათვალა.
Forbes-ის მიერ გამოქვეყნებული მონაცემები უკრაინის შინაგან საქმეთა სამინისტროს ოფიციალურ გვერდზეც გამოქვეყნდა.
imedinews.ge
კომენტარები