მოქალაქეები საქართველოში მყოფ უკრაინელებს ღამის გასათევს და სხვა დახმარებას სთავაზობენ

მოქალაქეები ერთიანდებიან საქართველოში მყოფი იმ უკრაინელების დასახმარებლად, ვინც საომარი მოქმედებების გამო სამშობლოში დაბრუნებას ვეღარ ახერხებს და მათ უფასო ღამის გასათევს, ტრანსპორტირებას და სხვა სახის დახმარებას სთავაზობენ.

ფეისბუქზე ჯგუფი შეიქმნა. უკრაინელებს დახმარებას სთავაზობენ მოგზაურებისთვის განკუთვნილ მრავალრიცხოვან ჯგუფშიც, spend 4 seasons in Georgia. ამ ჯგუფის წევრები მზად არიან, დაუთმონ უკრაინის მოქალაქეებს ოთახი საკუთარ სახლებში ან სასტუმროებში.

საქართველოში მყოფი უკრაინელი ტურისტებისა და მათი მასპინძელი კერძო სექტორისთვის ამუშავებულია საქართველოს ტურიზმის ეროვნული ადმინისტრაციის უფასო ცხელი ხაზიც. 0 800 800 909 ფუნქციონირებს 24/7 განმავლობაში და უკრაინის მოქალაქეებს მოუწოდებს, ნებისმიერი საჭიროების შემთხვევაში დაუკავშირდნენ დახმარებისთვის.

radiotavisupleba.ge