fbpx
სპორტი

საქართველოს ძიუდოს ნაკრები ევროპის ჩემპიონი გახდა (ვიდეო)

გადამწყვეტ ორთაბრძოლაში საბა ინანეიშვილმა იპონით სძლია მეტოქეს

რუსეთის ქალაქ უფაში დღეს ჩატარდა ევროპის ჩემპიონატი შერეულ გუნდებს შორის. შეჯიბრი კაცებსა (73, 90 და +90 კგ) და ქალებს (57, 70 და +70 კგ) შორის სამ-სამ წონით კატეგორიაში გაიმართა.

საქართველოს ძიუდოისტთა ნაკრებმა პირველი შეხვედრა ავსტრიის ნაკრებს მოუგო (4:0), მეოთხედფინალში საფრანგეთის ძლიერ ნაკრებს სძლია (4:2), ნახევარფინალში – თურქეთის ნაკრებს (რომელმაც მეოთხედფინალში რუსეთი დაამარცხა), ანგარიშით 4:2 და ფინალში ნიდერლანდების გუნდს დაუპირისპირდა.

ფინალური ბრძოლა საკმაოდ დაძაბული გამოდგა. თავისი ბრძოლები მოიგეს ფრიდონგ გიგანმა (73 კგ), ლუკა მაისურაძემ (90 კგ) და საბა ინანეიშვილმა (+90) და ძირითადი შეხვედრები ანგარიშით 3:3 დასრულდა. ტურნირის წესების თანახმად, ასპარეზობის ფრედ დამთავრების შემთხვევაში წილისყრის შედეგად ვლინდება ერთი წონითი კატეგორია, რომელშიც გადამწყვეტი ორთაბრძოლა იმართება. ამჯერად წილისყრის შედეგად  მძიმეწონოსან საბა ინანეიშვილს მოუწია ბრძოლა, რომელმაც მეტოქე საკმაოდ იოლად – ერთ წუთსა და 13 წამში იპონით დაამარცხა და ჩვენს ნაკრებს ევროპის ჩემპიონობა გაუნაღდა.

საქართველოს ნაკრებმა უფაში ასეთი შემადგენლობით იასპარეზა:

კაცები: ალეკო მამიაშვილი, ფრიდონ გიგანი (ორივე – 73 კგ), ბექა ღვინიაშვილი, ლუკა მაისურაძე (ორივე – 90 კგ), გელა ზაალიშვილი, საბა ინანეიშვილი (ორივე +90 კგ).

ქალები: ეთერ ლიპარტელიანი (57 კგ), მარიამ ჭანტურია, ნინო გულბანი (ორივე – 70კგ), სოფიო სომხიშვილი (+70 კგ).

ნუცა ყაველაშვილი

კომენტარები
თეგები

მსგავსი სიახლეები

Leave a Reply

Your email address will not be published.

Back to top button
გაზიარება
Close