ვიდეომსოფლიო

მოსკოვში ქარიშხალმა კრემლის კედელი დააზიანა (ვიდეო)

მოსკოვში დღეს ამოვარდნილმა ქარიშხალმა კრემლის კედელი დააზიანა. ტელეგრამ-არხები აქვეყნებენ წითელ მოედანზე გადაღებულ ვიდეოს, რომელშიც ჩანს, როგორ ვარდება კედლის გარეთა მხარეს დროებითი სამშენებლო კონსტრუქცია და მასთან ერთად როგორ ინგრევა, სულ ცოტა, ერთი ქონგური. ეს სპასკის კოშკსა და ლენინის მავზოლეუმს შორის მონაკვეთზე მოხდა.

პარასკევს, 22 ოქტომბერს მოსკოვში ქარიშხლის საფრთხე გამოცხადდა. ქალაქის ზოგიერთ რაიონში დღისით ძლიერი წვიმა დაიწყო, ქარის სიჩქარე ზოგჯერ წამში 20 მ-ს აღწევდა.

წითელ მოედანზე კედლის ქონგურების ჩამონგრევის დროს წვიმა არ იყო, იქ ხალხი სეირნობდა, თუმცა შემდეგ მოედანი გადაკეტეს, რათა ადამიანები ქარიშხლისგან არ დაზარალებულიყვნენ.

ჰიდრომეტცენტრის ცნობით, საღამოს მოსკოვში ისევ შენარჩუნებული იყო გაძლიერებული საფრთხე ამინდის გამო, ქარის სიჩქარე 15-20 მ/წმ-ს აღწევდა. მოქალაქეებს აფრთხილებენ, არ გამოვიდნენ სახლებიდან და არ მიუახლოვდნენ არამყარ კონსტრუქციებს.

ამ ვიდეოშიც ჩანს, როგორ დააფრიალებს ქარი ქალაქის ქუჩებში ნაგვის კონტეინერებს თუ სხვადასხვა კონსტრუქციის ფრაგმენტებს.

ნინო ხოშტარია

კომენტარები

Tags

Related Articles

Leave a Reply

Your email address will not be published. Required fields are marked *

Back to top button
გაზიარება
Close