IRI: გამოკითხულთა უმრავლესობას კვლავ ყველაზე მეტად პატრიარქი მოსწონს – კიდევ ვინ დაიმსახურა მოსახლეობის სიმპათია
საერთაშორისო რესპუბლიკური ინსტიტუტის (IRI) ახალი კვლევით, გამოკითხულთა მოწონების მიხედვით, პირველ სამეულში ილია მეორე, კახა კალაძე და გიორგი გახარია არიან.
პატრიარქი ილია მეორე გამოკითხულთა 88%-ს ძალიან მოსწონს, 7%-ს არ მოსწონს, 1%-ს არასდროს სმენია მის შესახებ, 5%-ს პასუხი არ აქვს.
დედაქალაქის მერი და „ქართული ოცნების“ მერობის კანდიდატი კახა კალაძე ძალიან მოსწონს გამოკითხულთა 58%-ს, 37%-ს არ მოსწონს, 1%-ს არ სმენია მის შესახებ, 4%-ს კი შეკითხვაზე პასუხი არ აქვს.
პარტია „საქართველოსთვის“ თავმჯდომარე და ყოფილი პრემიერი გიორგი გახარია ძალიან მოსწონს გამოკითხულთა 56%-ს, არ მოსწონს 39%-ს.
მომდევნო ადგილები ასე გადანაწილდა:
- ილია მეორე – 88%
- კახა კალაძე – 58%
- გიორგი გახარია – 56%
- ირაკლი ღარიბაშვილი – 40%
- ნიკა მელია – 39%
- დავით უსუფაშვილი – 36%
- ანა დოლიძე – 34%
- სალომე ზურაბიშვილი – 31%
- ელენე ხოშტარია – 30%
- გიორგი ვაშაძე – 30%
- ირაკლი კობახიძე – 30%
- შალვა ნათელაშვილი – 29%
- ალეკო ელისაშვილი – 27%
- კახა კუჭავა – 25%
- მამუკა ხაზარაძე – 24%
- ირმა ინაშვილი – 20%
- ბადრი ჯაფარიძე – 19%
- გიგა ბოკერია – 18%
- ნინო ბურჯანაძე – 17%
- ლევან ვასაძე – 16%
- იაგო ხვიჩია – 7%
- პაატა დავითაია – 6%
ამასთან, შეკითხვაზე, როგორ შეაფასებდით ეროვნული მთავრობის საქმიანობას, ძალიან კარგად – პასუხობს 7 პროცენტი, მეტ-ნაკლებად კარგად – 38 პროცენტი, ჯამურად 45 პროცენტი კმაყოფილია მთავრობის საქმიანობით. მეტ-ნაკლებად ცუდად – პასუხობს 28 პროცენტი, ძალიან ცუდად – 23 პროცენტი, ჯამურად, მთავრობით უკმაყოფილოა 51 პროცენტი.
ამავე კვლევის მიხედვით, გამოკითხულთა 51 პროცენტი ვადამდელი არჩევნების მომხრეა, ხოლო 37 პროცენტი ვადამდელი საპარლამენტო არჩევნების ჩატარების საჭიროებას ვერ ხედავს.
კითხვაზე: მხარს უჭერთ თუ არა ოპოზიციის მოთხოვნას ვადამდელი საპარლამენტო არჩევნების შესახებ – 29 პროცენტი პასუხობს, რომ აბსოლუტურად ეთანხმება.
კვლევის თანახმად, კითხვაზე, თუ რა არის ყველაზე მნიშვნელოვანი პრობლემა, რომლის წინაშეც დღეს საქართველო დგას, გამოკითხულთა 45%-მა უმუშევრობა დაასახელა, 20%-მა – ცხოვრების დონე და მაღალი ფასები, ხოლო 8% თვლის, რომ სიღარიბე ქვეყნის უპირველესი გამოწვევაა.
კვლევა ჩატარებულია 2021 წლის 15-30 ივნისის პერიოდში, პირისპირი ინტერვიუების გზით. გამოკითხვაში მონაწილეობა მიიღო 1500-მა სრულწლოვანმა რესპონდენტმა. ცდომილების ზღვარი წარმოადგენს +/- 2.5 %.
კომენტარები