fbpx
სპორტი

საქართველო ერთ სულ მოსახლეზე ოლიმპიური მედლების რაოდენობით საუკეთესო ათეულშია

ტოკიოს ოლიმპიადაზე ჩვენი ეროვნული გუნდი წარმატებით ასპარეზობს. საქართველოს ოლიმპიური ნაკრების ყულაბაში უკვე ხუთი მედალია – ერთი ოქრო, სამი ვერცხლი და ერთი ბრინჯაო.

ბერძნულ-რომაული სტილით მოჭიდავემ იაკობ ქაჯაიამ (130 კგ.) პირველ აგვისტოს ნახევარფინალში ჩილეს სახელით მოასპარეზე კუბელი მოჭიდავე, აკოსტა ფერნანდესი დაამარცხა და ოლიმპიადის ფინალის საგზური მოიპოვა, რაც გარანტირებულ კიდევ ერთ მედალს ნიშნავს.

მიმდინარე მონაცემებით, საქართველოს ეროვნული გუნდი ერთ სულ მოსახლეზე ოლიმპიური მედლების რაოდენობით საუკეთესო ათეულშია და მეცხრე ადგილზე იმყოფება. ჩვენი ქვეყანა ამ სტატისტიკით ასწრებს ოლიმპიურ თამაშებში ისეთ წარმატებულ სახელმწიფოებს, როგორიცაა: ამერიკის შეერთებულ შტატები, ჩინეთი და მასპინძელი იაპონია.

ერთ სულ მოსახლეზე ოლიმპიური მედლების რაოდენობით მოწინავე ადგილზე სან მარინოა, სადაც 33 931 ადამიანი ცხოვრობს. სან მარინოს ოლიმპიური ნაკრების ყულაბაში ერთი მედალია.

1tv.ge

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close