fbpx
მედიცინაპოლიტიკა

„დღეიდან თუ 8 კვირაში არ დაასრულებენ აცრის პროცესს, სამსახურს დატოვებენ“ – ზურაბ გურული

„თუ ომია, ომი იყოს - შესაბამისი მსხვერპლი ყველამ გაიღოს!“

აშშ-ში აცრა სავალდებულო გახდა ყველა რანგის სამედიცინო მოსამსახურისთვის, რომლებსაც დღეიდან 8 კვირა ეძლევათ აცრის პროცესის დასასრულებლად, წინააღმდეგ შემთხვევაში, ამ ვადის გასვლის შემდეგ სამსახურის დატოვება მოუწევთ, – ამ ინფორმაციას ნიუ-იორკში მცხოვრები ქართველი ექიმი, მისისიპის მედიცინის სკოლის პროფესორი ზურაბ გურული ფეისბუქში აქვეყნებს. 

„à la guerre comme à la guerre

ამერიკის სახელმწიფო სამედიცინო სამსახურმა, ვეტერანების ჯანდაცვის სისტემამ დღეიდან სავალდებულო გახადა კოვიდ-აცრა სისტემის ყველა რანგის სამედიცინო მოსამსახურისათვის. დღეიდან 8 კვირა ეძლევა ყველა ექიმს, ექთანს, სანიტარს, სამედიცინო ტექნიკოსს, რომ აცრის პროცესი დაასრულოს; ამ ვადის გასვლის შემდეგ აუცრელები დათხოვნილი იქნებიან სისტემიდან.

ორი დღის წინ AHA-მ, ამერიკის ჰოსპიტალთა ასოციაციამ, რომელიც დაახლოებით 5 ათას კლინიკას აერთიანებს, მხარი დაუჭირა ჯანდაცვის მუშაკების საყოველთაო და სავალდებულო ვაქცინაციას. ასე რომ, მხოლოდ დროის ამბავია, სანამ აცრა სავალდებულო გახდება ყველასათვის, ვისაც სოციუმის ინტელექტუალური მონაპოვარით სარგებლობა სურს.

ველოდი ამ გადაწყვეტილებებს და არ გამკვირვებია. კოვიდი არ ჩერდება. ლაბორატორიაში შექმნილ ვირუსს დიდი ალბათობით განსხვავებული ქცევის ლოგიკა აქვს ბუნებრივთან შედარებით, რომელიც თავად „მშვიდდება“ გარკვეული დროის შემდეგ. მიკროსამყაროსა და მაკროსამყაროს ჩვეული ომის ბალანსი დაირღვა, რადგან მიკროსამყაროს მხარეს მაკროსამყაროს წარმომადგენლები დადგნენ და ერთად შეუტიეს კაცობრიობას.

ეს ომია; დაუნდობელი ჰიბრიდული ომი. ომში კი სამხედრო კანონები მოქმედებენ.

ირღვევა ადამიანთა პირადი თავისუფლება? ეს ძალდატანებაა? იძულებაა?..

არგუმენტები უთვალავია. კამათი დაუსრულებლად შეიძლება გაგრძელდეს. მაგრამ … თუ ომია, შესაბამისი მსხვერპლი ყველამ უნდა გაიღოს, რათა გამარჯვების შედეგით ერთნაირად ისარგებლოს. ასეთია ომის კანონი. ამიტომ à la guerre comme à la guerre…“

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close