ფრანგული მედია – პარიზის რესტორნებში კომენდანტის საათის დროს დახურული წვეულებები იმართება, რომლებსაც მინისტრები ესწრებიან (ვიდეო)
ფრანგული მედიის ცნობით, პარიზში კომენდანტის საათის დროს სოციალური წესების დარღვევით წვეულებები იმართება, რომელზე დასწრებაც სოლიდური ფასი ღირს.
რამდენიმე წვეულების ამსახველი ვიდეო კერძო ტელეკომპანია „M6“-მა გაავრცელა. მომხდართან დაკავშირებით შინაგან საქმეთა სამინისტრომ გამოძიება დაიწყო.
როგორც ტელეკომპანიის მიერ ჩატარებული გამოძიების ფარგლებში ირკვევა, პარიზში, დახურულ წვეულებებზე დასწრება 160-იდან 490 ევრომდე ღირს. წვეულების ერთ-ერთი მონაწილე ამბობს, რომ სტუმრებს პირბადეები არ უკეთიათ და სოციალურ დისტანციას არ იცავენ.
ერთ-ერთი რესპონდენტის თქმით, დახურულ ღონისძიებებს „მინისტრებიც ესწრებოდნენ“.
შეგახსენებთ, საფრანგეთში ამჟამად მკაცრი კარანტინია გამოცხადებული. კომენდანტის საათი 19:00 საათზე იწყება და 06:00 საათამდე გრძელდება,. დღის განმავლობაში კი, მოქალაქეებს სახლიდან 10 კილომეტრზე შორს გადაადგილება ეკრძალებათ.
კანონის თანახმად, რესტორანი, რომელიც კომენდანტის საათის დროს სტუმრებს მიიღებს, 15 000 ევროთი დაჯარიმდება. სოციალური დისტანციისა და პირბადის გარეშე წვეულებაზე მყოფმა თითოეულმა სტუმარმა კი 135 ევრო უნდა გადაიხადოს.
Caviar, champagne, menus de grands chefs et retrait du masque obligatoire…Nos journalistes ont pu pénétrer dans ces fêtes clandestines de haut standing qui se tiennent actuellement à Paris.
🎥@frvignolle Armelle Mehani et @CyrielleStadler en exclusivité pour le 📺#19h45 pic.twitter.com/ClXpIWrVwZ— M6info (@m6info) April 2, 2021
1tv.ge
კომენტარები