ამერიკის ყველაზე მაღალანაზღაურებადი ჟურნალისტის, ლარი კინგის ანდერძი ცნობილია
ცნობილი ამერიკელი ტელეწამყვანის, ლარი კინგის ანდერძის შინაარსი ცნობილია. ამის შესახებ გამოცემა People წერს.
კინგის სურვილით, მთელ მის ქონებას ვაჟები – ენდი ჩენსომი, ლარი უმცროსი, ქენონი და ქალიშვილი ჩაია გაინაწილებენ.
ამასთან, ენდიმ და ჩაიამ ჯერ კიდევ ცნობილი მამის სიცოცხლეში მისი ქონება შეაფასებინეს. ლარი კინგის ქონება $2 მილიონად შეფასდა.
ლარი კინგმა ანდერძი 2019 წლის 17 ოქტომბერს შეადგინა, მანამდე, ვიდრე კინგი თავის მეშვიდე ცოლს, 59 წლის შონ საუთვიკს გაეყრებოდა 85 წლის ასაკში.
ლარი კინგი აშშ-ში ყველაზე მაღალანაზღაურებადი ჟურნალისტი იყო. კინგმა 2010 წლის დეკემბერში ტელეარხი CNN-ი დატოვა, სადაც მას 25 წლის განმავლობაში პრაიმ-ტაიმში ყოველკვირეული თოქ-შოუ Larry King Live მიჰყავდა.
ცნობილი ტელეწამყვანი ლარი კინგი ლოს-ანჯელესის ერთ-ერთ კლინიკაში 87 წლისა 2020 წლის 23 იანვარს გარდაიცვალა.
imedinews.ge
ამავე თემაზე: ლეგენდარული ამერიკელი ჟურნალისტი ლარი კინგი გარდაიცვალა
კომენტარები