იტალიის ქალაქ ნეაპოლში პონტიჩელის საავადმყოფოს ავტოსადგომზე გიგანტური უფსკრული გაჩნდა.
2000 კვადრატული მეტრი მოედანი 20 მეტრ სიღრმეზე ჩავარდა მიწისქვეშ მომხდარი აფეთქების შედეგად. შემთხვევა გამთენიისას მოხდა, მაშინ როცა სადგომი ნახევრად ცარიელი იყო და, საბედნიეროდ, არავინ დაშავებულა. მიწამ თან ჩაიყოლა ავტოსადგომზე მყოფი მანქანებიც.
მაშველები გუშინდლიდან შეუსვენებლივ მუშაობენ, რათა ტერიტორია უსაფრთხო გახდეს და საავადმყოფომ, სადაც კოვიდ-განყოფილებაც არის (ამჟამად ევაკუირებულია), მუშაობა შეუფერხებლად გააგრძელოს. მიმდინარეობს შემოწმება, რათა თავიდან იქნას აცილებული განმეორებითი აფეთქება.
ნეაპოლის პროკურატურის მიერ დანიშნული ექსპერტები იკვლევენ, რამ გამოიწვია აფეთქება და ვინ არის პასუხისმგებელი მომხდარ ფაქტზე.
ნინო ხოშტარია
კომენტარები