fbpx
მსოფლიოპოლიტიკა

ჯანმრთელობის სავარაუდო პრობლემების გამო ვლადიმირ პუტინი იანვარში თანამდებობას დატოვებს – „დეილი მეილი“

ჯანმრთელობის სავარაუდო პრობლემების გამო ვლადიმირ პუტინი იანვარში თანამდებობას დატოვებს, – ამის შესახებ ინფორმაციას ბრიტანული მედია მოსკოვის წყაროზე დაყრდნობით ავრცელებს.

„დეილი მეილის“ ინფორმაციით, კრემლის ცნობილი კრიტიკოსი, პროფესორი ვალერი სოლოვეი აცხადებს, რომ რუსეთის პრეზიდენტს შესაძლოა პარკინსონის დაავადების სიმპტომები ჰქონდეს.

სოლოვეი ამტკიცებს, რომ პუტინის პარტნიორი ალინა კაბაევა, ასევე, მისი შვილები, მარია ვორონცოვა და კატერინა ტიხონოვა რუსეთის პრეზიდენტს თანამდებობის დატოვებისკენ მოუწოდებენ.

„ის აპირებს, გადადგომის გეგმებზე საჯაროდ იანვარში ისაუბროს. პუტინი მალე დანიშნავს ახალ პრემიერ-მინისტრს, რომელიც საბოლოოდ მისი მემკვიდრე გახდება“, – აცხადებს ვალერი სოლოვეი.

ბრიტანული მედიის ცნობით, დამკვირვებლებმა შეისწავლეს პუტინის ბოლოდროინდელი კადრები, სადაც ჩანდა რუსეთის პრეზიდენტს ჯანმრთელობასთან დაკავშირებული პრობლემები.

მედიაში გავრცელებულ ინფორმაციას უკვე გამოეხმაურა რუსეთის პრეზიდენტის ადმინისტრაცია. კრემლის პრესსპიკერმა დმიტრი პესკოვმა პუტინის შესაძლო ავადმყოფობის შესახებ ცნობას „სრული სისულელე“ უწოდა და თქვა, რომ რუსეთის პრეზიდენტს შესანიშნავი ჯანმრთელობა აქვს.

1tv.ge

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close