სიცხე იტალიაში: ზოგან ტემპერატურა +40 გრადუსს გადააჭარბებს

უახლოეს დღეებში იტალიის ზოგიერთ რეგიონში ჰაერის ტემპერატურა +40 გრადუსს გადააჭარბებს (ცელსიუსის სკალით). ამის შესახებ იტალიის მეტეოროლოგიური სამსახურები იუწყებიან. 

სარდინიაზე ტემპერატურა +43 გრადუსს მიაღწევს, +40 იქნება ფლორენციაში; რომში, მილანში, ტურინსა და ზოგიერთ სხვა ქალაქში მიმდინარე კვირაში, 2 აგვისტომდე, აგრეთვე, დიდი სიცხეა მოსალოდნელი – დაახლოებით +38 გრადუსამდე.

ტემპერატურის მატებას დასავლეთ ხმელთაშუაზღვისპირეთიდან გავრცელებული ცხელი ჰაერის მასები განაპირობებს.

მეტეოროლოგების ინფორმაციით, ჰაერის ტემპერატურა იტალიაში 4-5 აგვისტოდან დაიკლებს.

მსგავს თემაზე: 6 რჩევა – როგორ გავუმკლავდეთ პაპანაქება სიცხეს