მიუნხენი-თბილისი-მიუნხენის მიმართულებით რეგულარული ფრენა 2 აგვისტოდან განახლდება

გერმანული ავიაკომპანია Lufthansa საქართველოს მიმართულებით რეგულარულ ფრენას 2 აგვისტოდან განაახლებს.

სამოქალაქო ავიაციის სააგენტოს ინფორმაციით, დასრულდა ტექნიკური მოლაპარაკებები საქართველოს ეკონომიკისა და მდგრადი განვითარების სამინისტროს, სამოქალაქო ავიაციის სააგენტოსა და ავიაკომპანია „ლუფტჰანზას“ შორის.

ფრენა კვირაში ორჯერ შესრულდება Airbus A 319 ტიპის საჰაერო ხომალდით.

ფრენის განრიგი:

• მიუნხენი-თბილისი – ყოველ ხუთშაბათსა და კვირას;

• თბილისი-მიუნხენი – ყოველ ორშაბათსა და პარასკევს.