კატალონიაში 200 000-მდე ადამიანი კვლავ კარანტინში აღმოჩნდა

კატალონიაში 200 000-მდე ადამიანი კვლავ კარანტინში აღმოჩნდა. ამის მიზეზი სეგრიის რაიონში კორონავირუსის შემთხვევების მატება გახდა. ბოლო დღე-ღამეში აღნიშნულ რეგიონში კოვიდ-19-ის 300-ზე მეტი შემთხვევა დაფიქსირდა.

დღეიდან მოქალაქეებს სეგრიის რაიონის დატოვება სპეციალური ნებართვის გარეშე აღარ შეეძლებათ. ძირითად მაგისტრალებზე განთავსდება პოლიციის საგუშაგოები. 10 ადამიანზე მეტის შეკრება აკრძალული იქნება როგორც შენობაში, ისე გარე სივრცეში.

გუშინ ​სეგრიის რეგიონში საავადმყოფოში კორონავირუსის დიაგნოზით 21 ადამიანი გადაიყვანეს. მათგან ექვსი ინტენსიური თერაპიის განყოფილებაში მკურნალობს. სეგრიაში სულ 210 000 ადამიანი ცხოვრობს. ეპიდემიოლოგები აცხადებენ, რომ რეგიონში ცხრა კლასტერია აღრიცხული.

1tv.ge