fbpx
ეკონომიკასაქართველო

WIZZ AIR-ი არსად არ გადის, აგრძელებს საქართველოსთან თანამშრომლობას – ნათია თურნავა

Wizz Air-ი არსად არ გადის, აგრძელებს საქართველოს ხელისუფლებასთან და საქართველოსთან თანამშრომლობას, რჩება თავისი მომხმარებლების ერთგული, –  განაცხადა საქართველოს ეკონომიკისა და მდგრადი განვითარების მინისტრმა ნათია თურნავამ.

მინისტრი გამოეხმაურა გავრცელებულ ინფორმაციას, თითქოს Wizz Air-ი ქუთაისის აეროპორტში ბაზას აუქმებს. „Wizz Air-ი არსად არ გადის, Wizz Air-ი ძალიან კომფორტულად გრძნობს თავს საქართველოში“, – აღნიშნა ეკონომიკის მინისტრმა.

„ავიაკომპანია 2012 წელს შემოვიდა ჩვენთან და ჩვენმა ხელისუფლებამ ყველაფერი გააკეთა, რომ გაფართოებულიყო Wizz Air-ის არეალი. კოვიდამდე 30-მდე ფრენას ასრულებდა და დაანონსებული ჰქონდა კიდევ 10-მდე ახალი მიმართულება. კომპანიასთან ახლახან მქონდა საუბარი და Wizz Air-ი თავადაც დაადასტურებს ამას საჯაროდ. Wizz Air-ი არსად არ გადის, აგრძელებს საქართველოს ხელისუფლებასთან და საქართველოსთან თანამშრომლობას, რჩება თავისი მომხმარებლების ერთგული, ჩვენი მოქალქეების, ვინც მთელი ამ წლების განმავლობაში Wizz Air-ის მეშვეობით, ჩვენი ხელშეწყობით ძალიან კომფორტულად და საკმაოდ ხელმისაწვდომი ფასებით მგზავრობდა საქართველოდან და გვიბრუნდებოდა ისევ საქართველოში“, – განაცხადა თურნავამ.

რაც შეეხება გავრცელებულ ინფორმაციას, რომ კომპანიამ თვითმფრინავები უნგრეთში გადაიყვანა, მინისტრი ამბობს, რომ დღეს ავიაციის გლობალური ინდუსტრია საკმაოდ დიდი სირთულეების წინაშეა.

„ბუნებრივია, ნებისმიერი ავიაკომპანია ცდილობს, რომ შეამციროს დანახარჯები და აკეთებს სხვადასხვა  გადაჯგუფებას. ეს არის წმინდა ტექნიკური საკითხი. არანაირი მნიშვნელობა არ აქვს, Wizz Air-ს თვითმფრინავი ეყოლება მაინცდამაინც ქუთაისის აეროპორტში, თუ რომელიმე თავის ბაზაზე. მთავარია, რომ Wizz Air-ი არსად არ გადის, ელოდება ჩვენს შეტყობინებას. მისი განაცხადი შემოსულია ოფიციალურად ფრენების აღდგენასთან დაკავშირებით და რა მომენტშიც ვიქნებით მზად და ჩავთვლით შესაძლებლად, რომ უსაფრთხოების ყველა ზომის დაცვით გარკვეული მიმართულებები უნდა გააქტიურდეს, Wizz Air-ი მყისიერად გააგრძელებს ფრენებს. ამას თვითონ Wizz Air-იც უახლოეს საათებში დაადასტურებს“, – აღნიშნა ნათია თურნავამ.

avianews.ge

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close