fbpx
იტალიასაზოგადოება

რომის პაპი ფრანცისკე ვატიკანში ლომბარდიის რეგიონიდან ჩასულ ექიმებსა და ექთნებს შეხვდა

რომის პაპი ფრანცისკე ვატიკანში ლომბარდიის რეგიონიდან ჩასულ ექიმებსა და ექთნებს შეხვდა.

როგორც სააგენტო „როიტერსი“ წერს, ეს პონტიფიკოსის პირველი აუდიენციაა იტალიაში კარანტინის გაუქმების შემდეგ. ლომბარდია იტალიაში კორონავირუსის ეპიდემიის შედეგად ყველაზე მეტად დაზარალებული რეგიონია.

„თქვენ იყავით მთელი ქვეყნის საყრდენი“, – მიმართა რომის პაპმა ფრანცისკემ ვატიკანში შეკრებილ მედიკოსებს.

რომის პაპმა მადლობა გადაუხადა მთელ იტალიაში მომუშავე ექიმებს კორონავირუსის წინააღმდეგ ბრძოლისთვის და მათ „ანგელოზები“ უწოდა. მან ასევე მადლობა გადაუხადა ექიმებს, რადგან ისინი პაციენტებთან სიცოცხლის უკანასკნელ წუთებში იყვნენ და ხშირად საყვარელ ადამიანებთან გამოსამშვიდობებლად მათ საკუთარი მობილური ტელეფონებით სარგებლობის საშუალებას აძლევდნენ.

იტალიაში კორონავირუსით ეპიდემიის დაწყებიდან ამ დრომდე 34 610 ადამიანი გარდაიცვალა (49 – გასულ 24 საათში). კოვიდ-19-ით გარდაცვლილთა რაოდენობით ქვეყანა მსოფლიოში მეოთხე ადგილზეა აშშ-ის, ბრაზილიისა და ბრიტანეთის შემდეგ. გარდაცვლილთა შორის 170-მდე მედიკოსია.

წყარო: 1tv.ge

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close