ნიუ-იორკში კორონავირუსს ხუთი თვის ჩვილი ემსხვერპლა. მედიის ცნობით, ახალშობილი გოგონა 21 მარტს გადაიყვანეს საავადმყოფოში. ნიუიორკელი მეხანძრის ქალიშვილს დაბადებიდან აღენიშნებოდა გულთან დაკავშირებული პრობლემები.
„ის პატარა ანგელოზი იყო, მსოფლიოში ყველაზე ლამაზი ღიმილით“, – უთხრა „ენბისის“ გარდაცვლილი ჩვილის ბებიამ.
ხუთი თვის ნიუიორკელი ბავშვი აშშ-ში კოვიდ-19-ის ყველაზე ახალგაზრდა მსხვერპლია.
სულ ქვეყნის მასშტაბით 2 აპრილიდან დღემდე ახალ კორონავირუსს ერთიდან 14 წლამდე ასაკის სამი ბავშვი ემსხვერპლა.
წყარო: 1tv.ge
კომენტარები