ეროვნული არქივი ყველაზე მოთხოვნად 8 ტიპის ცნობას უკვე დისტანციურად გასცემს

7 აპრილიდან საქართველოს ეროვნულმა არქივმა ყველაზე მოთხოვნადი 8 ტიპის ცნობის დისტანციურად გაცემა დაიწყო. ეს სერვისებია:

• დაბადების შესახებ საარქივო ცნობა (1936 წლამდე არსებული მონაცემები);
• ქორწინების შესახებ საარქივო ცნობა (1936 წლამდე არსებული მონაცემები);
• განქორწინების შესახებ საარქივო ცნობა (1936 წლამდე არსებული მონაცემები);
•  გარდაცვალების შესახებ საარქივო ცნობა (1936 წლამდე არსებული მონაცემები);
•  კომლის შემადგენლობის შესახებ საარქივო ცნობა;
•  ქონებრივი უფლების დამადასტურებელი საარქივო ცნობა;
•  კოოპერატივში გაწევრების შესახებ საარქივო ცნობა;
•  დოკუმენტის არქონის შესახებ საარქივო ცნობა.

საჭირო საარქივო მომსახურების მისაღებად შეგიძლით განაცხადი გაგზავნოთ ეროვნული არქივის ელექტრონულ ფოსტაზე ([email protected]) ან განაცხადი გააკეთოთ ეროვნული არქივის ცხელი ხაზის დახმარებით (214 05 05).

განაცხადები მიიღება ყოველ სამუშაო დღეს, 09:00-იდან 18:00 საათამდე.

იუსტიციის სამინისტროს ცნობით, დაინტერესებული პირი მომზადებულ საარქივო ცნობას პირად ელექტრონულ ფოსტაზე მიიღებს. მოთხოვნის შემთხვევაში, მას პასუხი გაეგზავნება „საქართველოს ფოსტითაც“.