საქართველოში კორონავირუსით გარდაცვალების პირველი შემთხვევა დაფიქსირდა

საქართველოში კორონავირუსით გარდაცვალების პირველი შემთხვევა დაფიქსირდა. ამის შესახებ ​თსსუ პირველ საუნივერსიტეტო კლინიკაში ჟურნალისტებს განუცხადეს.

საავადმყოფოში ამბობენ, რომ გარდაცვლილი კორონავირუსით ინფიცირებული 79 წლის ქალია, რომელიც კლინიკაში 31 მარტს მოათავსეს. ქალს თანმხლები დაავადებები ჰქონდა. მათივე ინფორმაციით, პაციენტი მარნეული-ბოლნისის კლასტერიდანაა.

„ქალბატონი კლინიკაში შემოიყვანეს კრიტიკული მდგომარეობით. ნებისმიერმა ვირუსულმა პათოლოგიამ შეიძლება გამოიწვიოს ასეთი პაციენტების დამძიმება, სამწუხაროდ, მაღალი ლეტალობის გამოსავლით“, – განაცხადა კლინიკის ხელმძღვანელმა ლევან რატიანმა.

1tv.ge

მსგავს თემზე: საქართველომ კორონავირუსით გარდაცვლილთა დაკრძალვის წესები შეიმუშავა

მოამბის სპეციალური გამოშვება – ამირან გამყრელიძის განცხადება