ემანუელ მაკრონი იერუსალიმის უსაფრთხოების სამსახურის წარმომადგენლებს დაუპირისპირდა (ვიდეო)
საფრანგეთის პრეზიდენტმა ემანუელ მაკრონმა იერუსალიმში ისრაელელ პოლიციელებს უყვირა.
ინციდენტი წმინდა ანას ბაზილიკაში მოხდა. ბაზილიკა 1856 წლიდან (როდესაც თურქეთის სულთანმა ნაპოლეონ III-ს აჩუქა) საფრანგეთს ეკუთვნის და მას კათოლიკური მისიონერული საზოგადოება „თეთრი მამები“ მართავენ.
მაკრონი აღაშფოთა იმ ფაქტმა, რომ სამართალდამცველები ეკლესიაში მასზე ადრე შევიდნენ. გაცხარებულმა პრეზიდენტმა ხმამაღლა შეუტია ისრაელის უსაფრთხოების სამსახურის თანამშრომლებს და პოლიციას: „არ მომწონს, რაც გააკეთეთ. გარეთ გადით, თუ შეიძლება. პროვოკაცია საჭირო არ არის. მაპატიეთ, მაგრამ წესები იცით“, – უყვირა მაკრონმა სამართალდამცველებს.
დაპირისპირების ამსახველი ვიდეო მოგვიანებით სოციალურ ქსელებში გავრცელდა.
Coup de colère de #Macron contre la police israélienne à Jérusalem. Dans les pas de Chirac en 1996 pic.twitter.com/DKP5ICThTK
— Ava Djamshidi (@AvaDjamshidi) January 22, 2020
ისრაელის საგარეო საქმეთა სამინისტროს მომხდართან დაკავშირებით კომენტარი არ გაუკეთებია. მარკონი იერუსალიმში ჰოლოკოსტის მე-5 მსოფლიო ფორუმზე დასასწრებად ჩავიდა.
შეგახსენებთ, რომ ღინისძებაში საქართველოს პრეზიდენტი სალომე ზურაბიშვილიც მონაწილეობს.
მანანა ბანძელაძე
კომენტარები