fbpx
საზოგადოებასაქართველო

3 ახალი რეგულაცია, რომელიც პირველი იანვრიდან ამოქმედდა

პირველი იანვრიდან 3 ახალი რეგულაცია ამოქმედდა, აიკრძალა სტადიონებზე და სპორტულ კომპლექსებში მოწევა.

ეს რეგულაცია ეხება იმ სტადიონებს, რომლებსაც ადმინისტრაცია ჰყავს. მათ შესაბამისი ამკრძალავი ნიშნების დამონტაჟების ვალდებულება აქვთ. დარღვევის შემთხვევაში ადმინისტრაცია პირველ ჯერზე 500 ლარით დაჯარიმდება, განმეორებით – 1000 ლარით, მესამე და შემდეგ ჯერზე კი – 2000-ით.

აღნიშნული რეგულაცია 2018 წლის პირველ მაისს ამოქმედებული კანონის „თამბაქოს კონტროლის შესახებ“ ნაწილია. ამავე კანონით აიკრძალა დახურულ შენობებში მოწევა.

2 ახალი რეგულაცია ავტოსატრანსპორტო საშუალებებს უკავშირდება. დღეიდან მძღოლებს ევალებათ პერიოდული ტექნიკური ინსპექტირების დროს თან იქონიონ თხევადი აირის აირბალონისა და სისტემის გამართულობის ინსპექტირების სერტიფიკატი, რომელიც აკრედიტებულმა შემფასებელმა უნდა გასცეს. მისი არქონის შემთხვევაში ავტომობილი ინსპექტირებას ვერ გაივლის.

თხევადი აირის სისტემა პერიოდულ ტექნიკურ ინსპექტირებას 3 წელიწადში ერთხელ ექვემდებარება, ხოლო გათხევადებული აირის აირბალონი – 5 წელიწადში ერთხელ.

ამასთან ერთად, დღეიდან სპორტული დანიშნულების ავტომობილებისთვის აქციზის გადასახადი მათი წლოვანებითა და ძრავას მოცულობით აღარ განისაზღვრება. საგადასახადო კოდექსში შესული ცვლილების თანახმად, ამ კატეგორიის ავტომობილებზე აქციზის გადასახადი ფიქსირებულად 100 ლარი იქნება.

newsreport.ge
კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close